96

1’emîn Fuara Pirtûkan a Amedê ya ji aliyê Şaredariya Bajarê Mezin a Amedê ve hat organîzekirin deriyên xwe ji xwendevanan re vekir. Fuar li Sumerpaqê hate vekirin û weşanxaneyan standên xwe ji welatiyan re vekir. Di fuarê de ji Kurdistan û Tirkiyeyê 72 weşanxane cih digirin. Di çarçoveya furarê de dê panel, goftogo, rojên îmzayan, konser û bernameyên zarokan jî di nav de dê 80 bername pêk bên. Fuar dê heya 17’ê gulanê vekirîbîmîne û seat di 09.00-22.00’an de vekirî bimîne.

1’emîn Fuara Pirtûkan a Amedê ya ji aliyê Şaredariya Bajarê Mezin a Amedê ve hat organîzekirin deriyên xwe ji xwendevanan re vekir.

Hevşaredarên Bajarê Mezin ên Amedê Gultan Kişanak û Firat Anli, hevşaredarên Peyas û Yenîşehîrê, nûnerên saziyan, Hevserokê Komeleya Nivîskarên Kurd Mehmet Yilmaz, Serokê Kurd PEN’ê Şehmus Sefer, Serokê duyemîn ê Yekîtiya Weşangerên Tirkiyeyê Fehrî Aral û gelek kesên din tevlî vekirina fuarê bûn. Li ser navê komîteya fuarê Rêveberê TZP-Kurdî Jêhat Rojhelat têkildarî teknîka fuarê de agahî dan. Rojhelat diyar kir ku wan fuar diyarî berxwedana Kobanê û Şengalê kir. Serokê Komeleya Nivîskarên Kurd Mehmet Yilmaz jî diyar kir ku TUYAP’ê ji ber pirsgirêkên aborî ji vekirina fuarê xwe vekişand. Serokê Kurd PEN’ê Şehmus Sefer, Serokê duyemîn ê Yekîtiya Weşangerên Tirkiyeyê Fehrî Aral jî axivîn û gotin vekirina fuarê gelek girîng e.

Hevşaredarê Bajarê Mezin ê Amedê Firat Anli jî diyar kir ku Amedê bi vê lihevhatinê careke dîn navendekî dîrokiye nîşan da û wiha got: “Ez TUYAP’ê rexne nakim di vê mijarê de em rexnedayîna xwe didin. Ji ber ku em dereng man em rexnedayînê didin.”

Hevşaredara Bajarê Mezin a Amedê Gultan Kişanak jî xwest ku ji nivîskar û helbestvanên jin re cudahiye bê nîşandan û bang li hemû jinan kir ku tevî fuarê bibin. Kişanak anî ziman ku kurdî ligel hemû zext û zordariyan hate vêastê. Kişanak da zanîn ku ji bo ev yêk hêj bêtir bê bihêzkirin peywir dikeve ber wan. Kişanak bilêv kir ku divê tevkariyê bidin hemû zimanên li Tirkiyeyê yên li ber windabûnê û wiha got: “Her zimanê tê windakirin û peyva tê windakirin tê wateya mirov winda dibe.Ji bo vê yêkê jî divê em bêtir bixwînin. Divê em fuara Amedê bi hêz bikin.”

Piştî axaftinan vekirina fuarê pêk hat û welatî li fuarê geriyan.

49

Komeleya Akademiya Sînemaya Rojhilata Navîn ji bo danasîna Mîhrîcana Fîlman a Amedê ya Navneteweyî li salona şano ya Navenda Çand û Ciwanan a Cegerxwînê civîna çapemeniyê li dar xist. Endamê lijneya rêveberiya komeleyê Îlham Bakir daxuyanî da û wiha got: “Em dixwazin feraseta hunera alternatîf a demokratîk, civakperest, azadiya zayendî bi gel re parve bikin. Dîsa em bi mîhrîcana Amedê re hedef dikin ku hemû sînemavanên kurd û yên Rojhilata Navîn bînin ba hev.”

132

Hunermendê Kurd Mehmet Akbaş yekemîn albuma xwe ya solo a bi navê ‘P!A’ derdixe.

Albuma Akbaş ya bi navê ‘P!A’ di demek pir nêz de ji aliyê Kalan Mûzîkê ve bê weşandin .Akbaş di albuma xwe de bi zerevayê dimilkî stranên xwe xwendiye. Di albumê de gelek hunermendên navdar bi dengên xwe û hunera xwe alikariya Mehmet Akbaş kirine.

Mehmet Akbaş kî ye?

Di sala 1974’an de li Pîrana Amedê hatiye dinê. Li zaningeha Kocatepeya Afyonê beşa Înşaatê xwend. Di navbera 1998-2004’an de xebatên xwe yê hunerî di Koma Vengê Sodirî de berdewam kir. Ev kom di bin banê Navenda Çanda Mezopotamya(NÇM) de xebatên xwe dimeşand. Di Akademiya Stenbolê de di beşa mûzîkê de perwerdehiya şanoyê wergirt.Akbaş ji sala 2003’an pê de li bajarê Kolna Almanya xebatên xwe yê hunerî didomine.

89

Hunermenda Kurd Zelal Gokçe ku bi dengê xwe yê xweş reng dide stranên Kurdî, bi albuma xwe ya bi navê Solîn ve derket pêşberê mûzîkhezan. Albûma Solîn a Gokçeyê ji Kom Mûzîkê derket.

Di albûma ku rêbaza jiyanê, destan, klam, lorîn û evînên li Mezopotamya û Anatolyayê vedibêje, ji 11 berheman pêk tê.

Di albûma Gokçeyê de tevî stranên bi zaravayên Kurdî; Kurmancî, Soranî, Kelhûrî, stranên bi Ermenî û yek jî bi Tirkî heye. Stranên di albûmê de cih digirin: Mendê, Debû Derave, Sînemê, Derê Emirxanê, Makhmur Axcig, Sewzalê, Kerr û Kulik, Aşıkların Sözü Kalır, Xerîbê, Kew, Bêhempa û Rezîl

105

Hezkiriyên Ciwan haco ew 6 salin li benda albûmake nû de bûn. Ev demeke dirêj bû ku heyecana derketina albûma nû ya Ciwan haco di nav hezkiriyên wî de belav bûbû.

Albûma Ciwan Haco ya nû a binavê “Veger” derket. Lê ev veger ji bo hezkiriyên dilsoz ên Ciwan Haco’yê şokek mezin bû. Albûma nû ya Ciwan Hacoyê ji aliyê piraniya hezkiriyên wî yên daîmî ve nehate ecibandin û ev yek di rojên dawî de medyaya sosyal de jî bû sedema nîqaşan.

274

Albûma nû ya Ciwan Haco a bi navê VEGER , ji alîyê şirketa muzîkê ya bi navê “Pelrecords’’ê ve, ku demek berê di muzîka kurdî de bi derfetdayîna dengên nû navê xwe da bihîstin, hatiye hilberandin. Produksiyon û aranjorîya albumê jî Ayhan Evciyê ku ev demeke dirêj e bi Ciwan Haco re dixebite hilgirtiye ser milên xwe.

VIDEO